Në rrjetin social Facebook u shpërnda një postim që përmbante një video të regjistruar në Shtetet e Bashkuara në të cilën një oficer policie nga Shtetet e Bashkuara, i cili po bashkohet me një tubim proteste, fliste publikisht para një turme njerëzish, duke i nxitur ata “të mos ishin dele” në kontekstin e mbajtjes së maskave mbrojtëse. Në tekst thuhet po ashtu “Mos u bëj dele, hiqe maskën. #Populli po zgjohet #Porosi nga Washington.“
Kjo thirrje është në kundërshtim me rekomandimet e Organizatës Botërore të Shëndetësisë dhe rrjedhimisht me rekomandimet e autoriteteve shëndetësore maqedonase, të cilët udhëhiqen nga OBSH në një pjesë të madhe të politikave të tyre për të menaxhuar me pandeminë, si dhe një numër institucionesh të tjera shëndetësore ndërkombëtare dhe kombëtare, por sipas vendimeve edhe të qeverisë së Maqedonisë e cila, duke pasur parasysh se janë miratuar në një gjendje të jashtëzakonshme, kanë fuqinë e ligjit.
Në Republikën e Maqedonisë së Veriut, maska mbrojtëse, distanca dhe dezinfektimi i duarve, së bashku me zbatimin e qëndrueshëm të protokolleve për zhvillimin e ngjarjeve në jetën shoqërore, janë një kombinim i masave thelbësore për mbrojtjen e shëndetit të qytetarëve.
“Mos u bëni dele“, porositë audiencën sherifi me bazë në Uashington, duke komentuar vendimin nga guvernatori i shtetit përkatës federal në Shtetet e Bashkuara, i cili, nga ana tjetër, urdhëroi të mbanin maska mbrojtëse në hapësira të hapura dhe të mbyllura.
Postimi, edhe pse është parë mbi 11,000 herë në kohën e këtij shqyrtimi, mbetet i pavërtetë. Mbajtja e maskës është një veprim i përgjegjshëm për mbrojtjen e shëndetit individual dhe kolektiv. Nuk është e vërtetë që ai që mban maskë është një dele, në kuptimin figurativ të bindjes së verbër, siç nënkupton përmbajtja e videos.
Në fund të Prillit, Qeveria miratoi një
Dekret me fuqi ligjore për mbajtjen e detyrueshme të maskave në të gjithë territorin e vendit, gjatë daljes nga shtëpia, përkatësisht kur lëvizni në vende publike dhe zona të tipit të hapur dhe të mbyllur, në tregje, në transportin publik dhe kur hyni hapësira të mbyllura ku mblidhen më shumë njerëz (institucionet shtetërore, tregjet, dyqanet, bankat, zyrat postare, dhomat e pritjes, institucionet shëndetësore, etj.).
Ministria e Brendshme, brenda kompetencave të saj, shqipton çdo ditë gjoba për kundërvajtje në vlerë prej 20 eurosh për mosrespektim e kësaj mase.
Gazeta më prestigjioz mjekësor, The Lancet, ka publikuar një studim që pretendon se mbajtja e një maske së bashku me distancën fizike është efektive në parandalimin e përhapjes së koronavirusit.
Autoritetet shëndetësore, të udhëhequr nga Ministri i Shëndetësisë, Venko Filipce , po kryejnë një fushatë të intensifikuar për ndërgjegjësimin e publikut në të cilën fjalën kryesore e mbajnë punonjësit shëndetësorë të cilët promovojnë mbajtjen e një maske mbrojtëse midis qytetarëve si një mënyrë për të ndihmuar sistemin shëndetësor, për veten e tyre dhe të dashurit e tyre. Nën hashtagun Mbajë Maskë, Mbrohuni, Na Ndihmoni, dhjetëra profesionistë shëndetësorë, drejtorë të institucioneve shëndetësore, shpjegojnë se kjo masë është kryesore, megjithëse mund të jetë e pakëndshme për disa.
Ministri i Shëndetësisë, Venko Filipce, në një video-material që tregon zbatimin e masave mbrojtëse nga 19 gushti i këtij viti, në faqen e tij zyrtare në Facebook porosit:
Personeli mjekësor, pa përjashtim, punon çdo ditë me maska dhe pajisje mbrojtëse. Por në shumë profesione të tjera, punonjësit e kalojnë ditën e tyre të punës me maska. Ne nuk mund dhe nuk duhet të kërkojmë justifikime për të mos mbajtur maska dhe për të mos respektuar masat.
Dhjetëra profesionistë të tjerë mjekësorë po i bashkohen thirrjes së tij.
Unë mbaj maskë për të mbrojtur veten, familjen time, kolegët, pacientët dhe të gjithë me të cilët jam në kontakt direkt ose indirekt. Mendoj se të gjithë duhet të respektojmë masat e mbrojtjes. Është e detyrueshme të mbani maska, të mbani distancë dhe të rrisni higjienën personale në nivelin më të lartë, por edhe të shmangim hapësirat e mbyllura dhe tubimet e shumta.
Elizabeta Stoshiq – Klinika për Kirurgjinë Plastike dhe Rindërtuese.
Si profesionist i kujdesit shëndetësor, unë jam e vetëdijshëme se jam në rrezik. Duke respektuar masat, nuk e lejoj të vë në rrezik veten dhe familjen time. Unë mbaj maskë mbrojtëse për të mbrojtur veten nga transmetimi i mundshëm i sëmundjes. Vendose maskën, mbaj një distancë prej 2 metrash dhe higjenën personale.
Dr. Blagoja Srbov – Klinika për kirurgji plastike
Pavarësisht të gjitha rekomandimeve përkatëse zyrtare për mbajtjen e pajisjeve mbrojtëse dhe përkundër fushatës së fortë publike për të ndikuar në ndërgjegjësimin e qytetarëve për rëndësinë e mbajtjes së një maske mbrojtëse, postimi dezinformon dhe manipulon publikun dhe e identifikon atë me “dele” si një metaforë për bindje e verbër. Një përmbajtje e tillë mund të shkaktojë dëme të pariparueshme dhe qëllime të pabazuara të shkaktojë mosrespektim masiv të mbajtjes së masës e cila vë në rrezik shëndetin e qytetarëve në luftën kundër koronavirusit të paparashikueshëm. Maskat janë një domosdoshmëri jo vetëm në Maqedoni por edhe në vendet e tjera, një shembull i të cilëve është trafiku ajror ndërkombëtar.
Përdoruesit e mediave sociale duhet të jenë skeptikë dhe kritikë ndaj përmbajtjes që avokon se nuk duhet mbajtur maska, e cila zakonisht vjen nga burime të parëndësishme, nuk ka asnjë argument, aq më pak argument mjekësor ose epidemiologjik. (vertetmates.mk)
