Кога се намалува бројот на настани со јавен карактер, обично има зголемување на бројот на празни текстови што кружат како информации, но за кои воопшто нема јавен интерес. Желбата за пресметувањер со некого, фотографија од архивата, наслов што личи како за вистински целосен текст… и тоа е доволно да се формира празен текст или псевдо новинарски производ. Веста што ја разгледуваме е таква
Линк до оригиналниот напис: „Кога професорката Џила Челику сонуваше да се слика со Али Ахмети“ Kur profesoresha Gjyla Çeliku ëndërronte të fotografohet me Ali Ahmetin
Датум на објавување: 26.12.2019
Датум на рецензија: 22.1.2020
Рецензира: Ајнур Бафќари
Станува збор за текст што се состои од само една реченица што се наоѓа и во насловот и во содржината, фотографија на политичар и професорка што не носи никаква политичка функција. Информацијата не претставува јавен интерес, но, сепак, ѝ се резервира место во категоријата вести.
„Кога професорката Челику сонуваше да се слика со Али Ахмети“ – се вели во текстот.
Читателите можат да живеат и без оваа „информација“
Во текстот нема најава за некој голем настан во денот, нема никаква врска ниту со вест од домашната или надворешната политика, нема никаква врска ниту со економија или култура, едноставно нема воопшто никаков јавен интерес и ваквата објава само би го натовариле читателот со непотребни „информации“.
Авторот напишал тенденциозен наслов, а потоа го помножил овој наслов со два и го објавил како да е еден новинарски производ. Сепак, останува нејасно на која јавност ѝ се обраќа и кого би можело да го интересира такво нешто.
Онлајн-медиумите не треба да ја играат улогата на „Фејсбук“
Со ваков текст со само една реченица ништо не е јасно. Имаме фото пред нас и нема простор да разбереме за што служи оваа „информација“, кое е лицето за кое е напишан текстот и која е причината што на текстот му е посветено место во делот за информации, за вести. Сега сите имаме социјални мрежи и знаеме дека фотографиите може да се видат таму и не е јасно зошто треба онлајн-медиум да ја игра улогата на „Фејсбук“ ако нема јавен интерес? Онлајн-медиумите треба да им служат на своите читатели преку обезбедување оригинални информации наместо празни текстови или „фејсбук-постови“.
Концепт на манипулација „Аргумент против човекот“
Иако авторот на овој текст не појасни зошто е „чудно“ овие две лица да бидат на иста фотографија, гледајќи во формулирањето на реченицата, може да се имплицира дека професорката треба да ја критикува работата на политичарот, што зборува за обидот на авторот да ја дискредитира професорката.
Овој концепт на манипулација е наречен „аргумент против човекот“ или склоност да се нападне некое тврдење преку напад на личноста, како што е појаснето во Прирачникот на „Критинк“.
Игнорирајте ги информациите без јавен интерес
Читателите треба да знаат дека денес во текст со „информативен карактер“ прво треба да се бара информациjaтa, потоа да се потврди точноста, да се бара изворот на информации и да се обидат да откријат дали има елементи на коментар.
Ако се чини дека е многу работа за читателите, следниот пат ако наидат на тенденциозен наслов, треба да знаат дека можноста да се добие веродостојна информација е многу мала. Ако некој текст не ја обезбеди информацијата, каде е логиката упорно да кликнувате на насловите во такви онлајн-медиуми? На крајот на краиштата, улогата на онлајн-медиумите е да им служат на читателите, а не обратно.