[Рецензија: ФОТО: Аделина Тахири објави прва фотографија од ќерката и покажа колку сексапилно изгледа по породувањето]
Текстот што го рецензираме е каша-попара. Написот очигледно е правен набрзина без да се обрне многу внимание на неговата содржина. Важно е дека има атрактивен наслов, кој и тоа како ќе привлече читаност и кликови.
Линк до оригиналниот напис: ФОТО: Аделина Тахири објави прва фотографија од ќерката и покажа колку сексапилно изгледа по породувањето
Датум и време на објавување: 12.9.2018
Датум на рецензирање: 14.9.2018
Рецензент: Ана Анастасовска
Насловот на текстот во кој се посочува дека Аделина Тахири ја објавила првата фотографија од ќерката и оти покажала како изгледа по породувањето, односно дека е „сексапилна“, е бомбастичен и одличен за привлекување кликови. Но, кога ќе ја отвори веста, читателот сосема ќе се збуни.
Албанската пејачка Аделина Тахири неодамна се оствари во улога на мајка. Таа пред половина месец го доби своето прво дете, синот Џон.
Во текстот се вели дека пејачката пред половина месец го доби своето прво дете синот Џон. Во насловот, пак, се спомнува ќерка. Останува нејасно дали Тахири има ќерка или син.
Пејачката објави прва фотографија од бебето и себеси по породувањето, погледнете како изгледа таа:
Сето тоа е убаво, но на фотографијата има мали ноџиња и големи раце. Ниту бебето се гледа, ниту може да се види Тахири колку е сексапилна, како што се посочува во насловот.
Целиот текст е хаотичен и создава забуна кај читателите. Написот очигледно е пишуван набрзина без да се обрне многу внимание на неговата содржина. Како да било важно само да има атрактивен наслов.