Одново и одново се шират лаги околу „запрашувањето“ (chemtrails или „кемтреилс“) и поврзаноста со корона вирусот и пандемијата. Овој пат, демек, тоа се случува и на регионално ниво
На социјалната мрежа Фејсбук постојано се појавуваат нови дезинформации околу „кемтреилс“ и ширењето на корона вирусот во рамките на светската пандемија. Овој пат тоа е поврзано на регионално ниво во рамките на Балканскиот полуостров.
Пост објава на Фејсбук на македонски јазик повторно ја шири ваквата теорија на заговор, при што во постот се наведува:
Корона парти ?
Небото над : Македонија,Србија,Албанија,Босна,
Хрватска,Бугарија,Романија,Грција,
Словенија,Црна Гора…
До ваквата објава е залепен колаж од фотографии кои покажуваат траги во воздухот од кондензација на издувните гасови од млазните мотори на патнички авиони (contrails), што не е никаква мистерија или тешкотија да се направат, зашто, како што е појаснето во стручната јавност, тоа се физички феномени што се случуваат во атмосферата откако е воведен во широка употреба млазниот мотор кај авионите.
Така што, колажот од фотографии ниту е доказ, а во случајов нема ниту пак доказ дека е снимен на хоризонтот над Балканскиот полуостров. Оттука, овој колаж претставува, исто така, манипулација која е во функција на што поголема уверливост на текстот во постот
Сервисите за проверка на факт, вклучувајќи го и „Вистинимер“ повеќе пати во текот на годинава ги имаат демистифицирано и разобличувано ваквите дезинформации. Овие текстови со факти можете да ги најдете на линковите ТУКА, ТУКА, ТУКА и ТУКА.
Имајќи го предвид погоре кажаното, без никакво сомневање, овој пост, текстот во него заедно со колажот од фотографии, може да се оцени како лага во целина.
Онлајн ресурсниот центар за медиумска писменост и критичко мислење „КриТинк“ служи како јавна архива на едукативни и информативни содржини објавени од „Метаморфозис“ и од други проекти и организации, особено за членките на Мрежата за медиумска писменост. Овој напис е првобитно објавен од сервисот за проверка на факти „Вистиномер“ и е преземен со дозвола на издавачот под условите на лиценцата Криејтив комонс–наведи извор-без изведени дела.