Trump vitin e kaluar në shkurt tha se COVID-19 do të zhduket në prill të vitit 2020, jo këtë vit

By
Admin
-

Kemi një postim në Facebook që është një kombinim i “klikbait” dhe mungesës së kontekstit (missing context) në mënyrë që të tërheq vëmendjen dhe klikimet. Ish-presidenti i SHBA-ve Donald Trump tha në fillim të vitit të kaluar, në shkurt, se virusi do të zhdukej në prill, me ngrohjen e motit, por ai i referohej prillit të vitit të kaluar, 2020, jo prillit të këtij viti.

Postimi në rrjetin social Facebook, i cili përmban video dhe një njoftim shumë të shkurtër, manipulon datën e deklaratave të ish-presidentit amerikan Donald Trump.

Teksti në postimin e botuesit të shkathët të statuseve të ngjashme me pseudonimin “Mike Tyson”, i publikuar më 24 shkurt 2021, bëhet viral me reagime të shumta të përdoruesve, duke pretenduar se Trump tha se virusi ndoshta do të zhduket në prill:

Trump
Virusi do të zhduket, me shumë siguri në prill
Ish-presidenti i SHBA Trump tha në fillim të vitit të kaluar, në shkurt, se virusi do të zhdukej në prill, me motin e ngrohtë, por që i referohej prillit të vitit të kaluar, 2020. Është e pakuptimtë që një deklaratë e tillë t’i referohet këtij viti sepse vitin e kaluar, si këtë vit, si dhe çdo vit, moti ngrohet në prill me fundin e kalendarit të dimrit më 22 mars. Dhe nëse dikush thotë në shkurt se moti do të ngrohet në prill, ai padyshim që po mendon për vitin aktual, e jo për të ardhmin.
Dhe siç e dimë, virusi jo vetëm që nuk u zhduk në prill 2020, por situata në Shtetet e Bashkuara deri në prill, dhe muajt që pasuan, situata u përkeqësua në mënyrë dramatike.
Për më tepër, në vitin 2020, Trump tha dhjetëra herë se virusi do të zhdukej, por situata reale e ka mohuar atë në mënyrë të përsëritur.
Megjithëse virusi nuk u zhduk në prill 2020, ish-Presidenti i SHBA Trump vazhdoi të pretendonte se Covid-19 sapo ishte zhdukur.
Washington Post renditi të paktën 40 deklarata nga Trump deri në nëntor 2020 që virusi do të zhduket. Edhe media të tjera amerikane dhe botërore kanë kohë që kanë vazhduar të hedhin poshtë deklaratat e Trump.
Ky postim në Facebook është një kombinim i “clickbait” dhe mungesë të kontekstit (missing context) në mënyrë që të tërheq vëmendjen dhe klikime.

Qendra e resurseve në internet për shkathtësi mediatike dhe mendim kritik “Crithink” shërben si një arkivë publike e përmbajtjeve edukative dhe informuese të botuar nga “Metamorphosis” dhe nga projekte dhe organizata tjera, veçanërisht për anëtarët e Rrjetit për shkathtësi meidatike. Ky artikull u botua fillimisht nga shërbimi për verifikimin e fakteve “Vërtetmatësi” dhe është marrë me lejen e botuesit sipas kushteve të licencës Creative Commons – thekso burimin – pa intervenuar.